Hindistanın şimalındakı Uttarakhand ştatında yağan aramsız yağışlar nəticəsində torpaq sürüşməsi və daşqınlar baş verib.
YALAN.info Onlayn Xəbərlər və İnformasiya Saytı bildirir ki, hökumət qurumlarının məlumatına görə, 46 nəfər təbii fəlakətin qurbanı olub, 11 nəfər itkin düşüb.
Güclü yağışlar nəticəsində bir sıra yaşayış məntəqələri ilə əlaqə tam kəsilib.
Hindistanlı meteoroloqlar irəlidəki bir neçə gün boyunca güclü yağışların davam edəcəyini açıqlayıblar.
Yerli sakinlərə təhlükəsizlik qaydalarına riayət etmək, evlərini tərk etməmək tövsiyə edilib.
