İnsanabənzər robot Beomni 1.0 yanvarın 5-dən 7-dək ABŞ-ın Las-Veqas şəhərində baş tutacaq ənənəvi istehlak elektronikası sərgisində (CES) ictimaiyyətə təqdim ediləcək.
YALAN.info Onlayn Xəbərlər və İnformasiya Saytı bildirir ki, robot yemək bişirməyi, yük daşımağı, hətta iynə vurmağı belə bacarır. Beomni 1.0 robotu bu bacarıqlarla evdə insanların ən böyük yardımçısı ola biləcəyi bildirilir.
Beomni Koloradodakı qocalar evində sınaqdan keçirilib. O, 3 gündən çox işləyib, hərarətlərini ölçüb, dil basdırıcıyla ağızlara baxıb, hətta xəstələri sevindirmək üçün onlarla rəqs edib.
Robot öncə insanlar tərəfindən uzaqdan idarə olunacaq, sonra isə süni intellektlə öz tapşırıqlarını müstəqil şəkildə yerinə yetirəcək. Onun yaradıcıları olan Beyond Imagination, Beomni-nin anbarlarda işləyə, meyvə yığa və elektrik təmiri kimi təhlükəli işləri yerinə yetirə biləcəyinə inanır.
