Rusiya Ordusunun nəzarətindən azad edilmiş Kiyev vilayətinin ərazisindən həlak olmuş 410 nəfər dinc sakinin cəsədi çıxarılıb.

YALAN.info bildirir ki, bununla bağlı Ukraynanın baş prokuroru İrina Venediktova öz Facebook səhifəsində məlumat verib.

“Kiyev vilayətinin işğaldan azad edilmiş ərazilərində Rusiya Federasiyasının amansız hərbi cinayətlərinə dair çox mühüm dəlillər var. Bizim torpağımızda bunu təşkil edən qeyri insanları cəzalandırmaq üçün sənədləşdirilməli lazım olan cəhənnəmdir”, – o yazıb.

Baş prokurorun sözlərinə görə, işğalçılardan azad edilən bütün ərazi sahələrə bölünüb. Onların hər birində prokuror, müstəntiq və Milli Polisin operativ əməliyyat qruplarından ibarət istintaq-əməliyyat qrupları çalışır. Hadisə yerinə baxış keçirmək üçün məhkəmə ekspertləri, partlayıcı maddələr üzrə ekspertlər, kinoloqlar, məhkəmə-tibb ekspertləri, ya da həkimlər və Dövlət Fövqəladə Hallar Xidməti cəlb olunub.

“Məhkəmə-tibbi ekspertiza bürosunda prokurorlar, müstəntiqlər və ekspertlər meyitlərin ekspertizası, yarılması və DNT nümunələrinin götürülməsi üçün mütəmadi olaraq növbətçilik çəkirlər. Aprelin 1-dən 3-dək Kiyev vilayətinin ərazisindən həlak olan mülki şəxslərin 410 meyiti çıxarılıb. Onlardan 140-ı artıq prokurorlar və başqa mütəxəssislər tərəfindən müayinə olunub”, – Venediktova əlavə edib.

Baş prokuror vurğulayıb ki, paralel olaraq yerli əhali ilə iş aparılır. Şahidlərin, zərərçəkmişlərin axtarışı həyata keçirilir, foto və video sübutlar toplanılır. O, eyni zamanda yalnız faciə yerində selfi çəkdirmək istəyənləri tənqid edib.

KİMİrina Venediktova
MƏNBƏFacebook
Öncəki xəbərQarabağda azad edilmiş ərazilərdə artilleriyaçılarımızın bir günü
Sonrakı xəbərAzad olunmuş Buça şəhərinin küçələrində yüzlərlə milki şəxsin meyiti aşkarlandı
YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

BİR CAVAB YAZ

Buyurun, açıqlamanızı yazın!
Buyurun, adınızı bura yazın