Fransanın paytaxtı Parisdə keçirilən “Junior Eurovision 2021” mahnı yarışması başa çatıb.
YALAN.info Onlayn Xəbərlər və İnformasiya Saytı bildirir ki, Azərbaycanı sözügedən yarışmada “One of Those Days” mahnısı ilə Sona Əzizova təmsil edib. Toplam səslərin sayına görə 151 xal toplayan təmsilçimiz sonda beşinci yeri tutub.
İlk beşliyi Gürcüstan 4-cü (Niko Kajaia – Let’s Count The Smiles), Fransa 3-cü (Enzo – Tic Tac), Polşa 2-ci (Sara James – Somebody) və “Qami-Qami” mahnısını oxuyan Malena adlı Ermənistan təmsilçisi isə 1-ci yerdə tamamlayıb.
Yarışmada Azərbaycan, Albaniya, Almaniya, Bolqarıstan, Ermənistan, Fransa, Gürcüstan, İrlandiya, İtaliya, İspaniya, Qazaxıstan, Malta, Niderland, Şimali Makedoniya, Polşa, Portuqaliya, Rusiya, Serbiya və Ukrayna təmsilçiləri qatılıb.
Xatırladaq ki, Azərbaycan bundan öncə “Junior Eurovision Song Contest”-də üç dəfə iştirak edərək 11, 7 və 16-cı yerləri tutub. Mahnı yarışmasında ölkəmiz bu il 3 illik aradan sonra təkrar iştirak edib.
