Azərbaycan Respublikası Müdafiə Nazirliyi sosial şəbəkədə yayılan yalan məlumatlara münasibət bildirib.
YALAN.info Onlayn Xəbərlər və İnformasiya Saytı bildirir ki, Nazirlikdən verilən məlumata görə, bəzi sosial şəbəkə istifadəçiləri tərəfindən Azərbaycan Ordusunun bir qrup hərbi qulluqçusunun guya qar uçqunu altında qalması nəticəsində xəsarət alması ilə bağlı məlumatlar yayılıb.
“Bildiririk ki, xəbər yalandır və həqiqəti əks etdirmir. KİV nümayəndələrinə bir daha müraciət edərək rəsmi təsdiqini tapmayan məlumatları yaymamağı tövsiyə edirik”, – Nazirlik qeyd edib.
Müdafiə Nazirliyindən bildirilib ki, Azərbaycan Ordusunun hərbi maşını qəzaya düşüb, iki nəfər xəsarət alıb. Bu gün saat 17.40-da hərbi maşının idarəetməni itirməsi nəticəsində müddətdən artıq həqiqi hərbi xidmət hərbi qulluqçuları çavuş Abdullayev Ceyhun Hüseyn oğlu və əsgər Həsənzadə Süleyman Əli oğlu yüngül xəsarət alıb. Hər iki hərbi qulluqçumuzun həyatları üçün heç bir təhlükə yoxdur.
