Ukraynanın xarici işlər naziri Dmitro Kuleba Qərb ölkələrini ukraynalıların qanı ilə ticarət etməməyə və Rusiyaya qarşı sanksiyaların effektivliyini azaltmamağa, o cümlədən də bu ölkəni SWIFT beynəlxalq ödəniş sistemindən ayırmağa çağırıb.
YALAN.info Onlayn Xəbərlər və İnformasiya Saytı bildirir ki, XİN rəhbəri bununla bağlı xarici jurnalistlər üçün onlayn brifinq zamanı deyib.
Nazir vurğulayıb ki, beynəlxalq anti-Rusiya koalisiyasının yekun məqsədi bu ölkəyə məxsus qüvvələrin Ukraynadan tam şəkildə çıxarılmasıdır. “Təəssüf ki, Rusiyanın bunu etməyə və müharibəni dayandırmağa hazır olduğuna dair heç bir əlamət yoxdur”, – deyə Kuleba bildirib.
