Niderlandın Rotterdam şəhərindəki “Ahoy” arenasında keçirilən “Eurovision Song Contest 2021” (ESC-2021) beynəlxalq mahnı yarışmasının böyük finalının sonunda İtaliyanın Maneskin (Måneskin) rok qrupu qalib seçildi.
YALAN.info Onlayn Xəbərlər və İnformasiya Saytı bildirir ki, “Open Up” (“Açıl”) şüarı altında keçirilən builki yarışmanın finalında 21-ci sırada çıxış edən Azərbaycan təmsilçisi Samirə Əfəndi 20-ci yeri tutub.
Albaniya, Kipr, İsrail, Belçika, Rusiya, Malta, Portuqaliya, Serbiya, Böyük Britaniya, Yunanıstan, İsveçrə, İslandiya, İspaniya, Moldova, Almaniya, Finlandiya, Bolqarıstan, Litva, Ukrayna, Fransa, Azərbaycan, Norveç, Niderland, İtaliya, İsveç və San-Marino ifaçılarının final çıxışlarından sonra səsvermə başlayıb.
“Zitti E Buoni” mahnsısı ilə ən çox – 524 xal toplayan İtaliyanın Måneskin rok qrupu “Eurovision2021”in qalibi olub. İkinci yeri Fransa təmsilçisi tutub – 499 xal. İlk üçlüyü isə 432 xalla İsveçrə qapayıb. 20-ci yeri tutan Azərbaycan təmsilçisi Samirə Əfəndi isə 65 xal toplayıb.
