Böyük Britaniya və Şimali İrlandiya Birləşmiş Krallığının Baş naziri Boris Conson əmindir ki, Ukrayna Rusiyanın başlatdığı müharibədə qalib gələcək.
YALAN.info bildirir ki, B.Conson bunu Ukrayna Ali Radasına onlayn müraciəti zamanı deyib.
“Bu gün sizə bir mesajım var: Ukrayna qalib gələcək, Ukrayna azad olacaq”, – Conson bildirib. Onun sözlərinə görə, bu gün Ukrayna ölkənin Rusiya ilə müharibədə tez bir zamanda yıxılacağını deyən ekspertlərin fikirlərinin yanlışlığını sübut edib.
“Əsgərləriniz həmişə sayca çox olsa da – indi üçə bir nisbətində – onlar aslanların enerjisi və cəsarəti ilə vuruşdular”, – Boris Conson deyib. O, Ukrayna qüvvələrinin rus bölmələrini Kiyevdən çıxardığını yada salıb.
“Siz Putinin məğlubedilməzliyi mifini darmadağın etdiniz və ölkənizin hərbi tarixində və həyatında ən böyük fəsillərdən birini yazdınız. Putinin hərbi maşınının qarşısıalınmaz gücü olduğu deyilsə də, Ukraynalıların sarsılmaz vətənpərvərliyi və ona olan sevgisi sayəsində qırıldı. Bu, Ukraynanın yada salınacaq və gələcək nəsillərə xəbər verəcək ən yaxşı dövrüdür”, – Conson bildirib.
“Övladlarınız və nəvələriniz deyəcəklər ki, ukraynalılar dünyaya təcavüzkarın qəddar hakimiyyətinin azad olmaqda qərarlı olan xalqın mənəvi gücünə qarşı heç bir önəm daşımadığını öyrətdilər. Onlar deyəcəklər ki, ukraynalılar öz inadları və fədakarlıqları ilə sübut etdilər ki, tanklar və silahlar öz müstəqilliyi uğrunda mübarizə aparan xalqı boğa bilməz və buna görə də mən Ukraynanın qalib gələcəyinə inanıram”, – Britaniyanın baş naziri bildirib.
Böyük Britaniyanın baş naziri Boris Conson Ukraynaya Brimstone gəmi əleyhinə raketləri, Stormer zenit sistemləri və 300 milyon funt-sterlinqlik başqa hərbi yardımların təhvil verildiyini açıqlayıb. Həmçinin Britaniya hökumətinin başçısı bildirib ki, zirehli texnikalar artıq Ukraynaya hücuma məruz qalan ərazilərdən dinc sakinlərin təxliyəsi, həmçinin məmurların müdafiəsi üçün ötürülür.
Bundan sonra, Ukrayna parlamentində çıxış edən Prezident Vladimir Zelenski ölkəsinə dəstək və yardıma görə Baş nazir Boris Consona və Böyük Britaniyaya təşəkkür edib: “Fevralın 24-də sübut etdik ki, tərəfdaşlığımız kağız üzərində deyil, bizim tərəfdaşlığımız döyüş meydanındadır. Ümumi ideallar və ümumi gələcək naminə”.
