“Bu gün başqa dövlətlərin rəhbərləri ilə nə qədər danışdımsa, bir neçə şey eşitmişəm. Birincisi, bizə dəstək verilir. Mən Ukraynaya xüsusi yardım edən hər bir dövlətə minnətdaram. Yalnız sözlərlə deyil. Ancaq ikinci bir şey də var – dövlətimizin müdafiəsində tək qalmışıq. Kim bizimlə döyüşməyə hazırdır? Mən bunları görmürəm. Ukraynaya NATO-ya girmək üçün kim zəmanət verməyə hazırdır? Hamı qorxur”.

YALAN.info Onlayn Xəbərlər və İnformasiya Saytı bildirir ki, bunları Ukrayna Prezidenti Volodimir Zelenski xalqa müraciətində deyib.

Ukrayna lideri Rusiyanın danışıq təkliflərinə də toxunub: “Bu gün Moskvadan eşitdik ki, onlar hələ də danışmaq istəyirlər. Onlar Ukraynanın neytral statusundan danışmaq istəyirlər.

Mən dövlətimizin bütün tərəfdaşlarına deyirəm: indi ölkəmizin taleyi həll olunur. Onlardan soruşuram: bizimləsiniz? Onlar buna bizimlə olmaları ilə cavab verirlər. Ancaq bizi də özləri ilə Alyansa aparmağa hazır deyillər”.

“Mən Avropanın iyirmi yeddi dövlətinin liderindən Ukraynanın NATO-da olub-olmadığını soruşdum. Birbaşa soruşdum. Onların hamısı qorxur. Ancaq biz qorxmuruq. Bəs biz hansı təhlükəsizlik zəmanətlərinə malik olacağıq? Onu hansı ölkələr verəcək?”, – Zelenski deyib.

Ukrayna lideri vurğulayıb ki, bu işğalın sonu haqqında danışmaq lazımdır: “Alovun dayandırılması haqqında danışmaq lazımdır. Ancaq indi ölkənin taleyi bütünlüklə ordumuzdan, təhlükəsizlik qüvvələrimizdən, bütün müdafiəçilərimizdən asılıdır. Xalqımız, sizin müdrikliyinizdən”.

BİR CAVAB YAZ

Buyurun, açıqlamanızı yazın!
Buyurun, adınızı bura yazın