Fransa Prezidenti Emmanuel Makron Ukraynanın dövlət başçısı Volodimir Zelenskiyə suverenlik ilə bağlı güzəştlər təklif edərək Ukrayna və Rusiya arasında vasitəçiliyə nail olmağa çalışıb.
YALAN.info bildirir ki, bununla bağlı Zelenski İtaliyanın “Ria 1” telekanalının “Porta a Porta” layihəsinə müsahibəsində danışıb.
“Makron Putinin simasını qorumaq üçün mənə Ukraynanın suverenliyi ilə bağlı müəyyən güzəştlər etməyi təklif etmişdi. Mən təbii ki, bu təklifi qətiyyətlə rədd etdim. Vaxtilə dünya liderləri Hitlerə “dünyanın yenidən bölünməsi haqqında düşünməyə” imkan vermişdi. İndi də Avropa Putinə və Rusiya Federasiyasına yanaşma axtararkən uzun illər ərzində oxşar şey yaşanıb.
Biz Rusiya üçün çıxış yolu axtarmamalıyıq və cənab Makron əbəs yerə bunu edir. Hesab edirəm ki, onun Rusiyanın özü istəməyincə, heç nə axtarmayacağı ilə bağlı əla təcrübəsi var. O, vasitəçiliklə müəyyən nəticələr əldə etmək istəyirdi və bunu edə bilmədi. Özü də bizim tərəfimizdən yox, Rusiya tərəfdən məsələyə yanaşırdı”, – Zelenski deyib.
Ukrayna lideri vurğulayıb ki, Rusiya fevralın 24-də heç bir güzəşti vecinə almadığını və qarşısına məqsəd qoyubsa, başqasının ərazisini alacağını göstərdi. “İndi Makrona bu, ya da başqa diplomatik “pa”lar etmək lazım deyil. O, prezident oldu, mən onu dəstəklədim. Ancaq kənara addım atmaq olmaz, tarix bunu bağışlamır. Sənin olanı geri qaytarmaq istəyirsənsə, ancaq irəli addımlamalısan”, – Zelenski vurğulayıb.
O bildirib ki, Ukrayna heç vaxt Rusiyanın insanları öldürməklə, torpaqları tutmaqla Donbass üçün təklif etdiyi “muxtariyyət”i tanımayacaq: “Ukrayna ora su verəndə Donbasın “muxtariyyəti” müzakirə oluna bilməz və Rusiya indi Ukraynanın nəzarət etdiyi əraziləri məhv edib”.
“İndi onlar Donbas ərazilərini Ukraynanın tərkibinə daxil olmayan ayrıca respublikalar kimi tanıyıblar. Rusiya bəyan edib ki, Donetsk və Luqansk vilayətlərinin bütün yaşayış məntəqələri “bütün bizim torpaqlarımızdır”. İndi də guya Donbası nasistlərdən təmizləyirlər”, – Ukrayna prezidenti bildirib.
O əlavə edib ki, Rusiya hansısa muxtariyyətdən danışmır, sadəcə olaraq ərazini tutmağa girişib. “Burada sual nədir – bu, ya da başqa ərazilərin formatından danışmazdan öncə on minlərlə insanı öldürmək olmazdı. Problem budur. Öldürdülər, dağıtdılar və istəyirlər – indi muxtariyyət verək. Biz o əraziləri heç vaxt “muxtariyyət” kimi tanımayacağıq”, – deyə Zelenski vurğulayıb.
