Finlandiya və İsveç Türkiyənin tələblərini yerinə yetirməsə, Şimali Atlantika Alyansı (NATO) üzvlüyünə namizəd ola bilməyəcəklər.
YALAN.info bildirir ki, bunu NATO Baş katibi Yens Stoltenberq deyib.
“Müttəfiq problemi qaldıranda, siz onu həll etməlisiniz. Bu, həmişə belə olub”, – Stoltenberq bildirib.
Onun sözlərinə görə, Finlandiya və İsveçin qonaq qismində qatılacağı Madrid sammiti 28-30 iyun tarixlərində baş tutacaq.
NATO Baş katibi onu da vurğulayıb ki, Finlandiya və İsveç iyunun 28-dək Türkiyənin tələblərinə cavab verməsə, onlar üçün namizəd ölkələr kimi mövqelərini gücləndirmək çətin olacaq.
