Yaponiya hökuməti Ukrayna ətrafında yaranmış durumla bağlı olaraq Rusiya Federasiyasından olan 398 nəfərə və 28 təşkilata qarşı əlavə sanksiyaların tətbiqini təsdiqləyib.
YALAN.info bildirir ki, bununla bağlı Yaponiya Xarici İşlər Nazirliyinin saytında yayımlanan məlumatda deyilir.
Özəlliklə Rusiya Federasiyası Dövlət Dumasının deputatları sanksiyalara məruz qalıb. Həmçinin Nazirlər Kabinetinin qərarı ilə mayın 12-dən “Sberbank” və “Alfa-Bank”ın səhlməri dondurulacaq.
Bundan başqa, Yaponiya hökuməti Rusiya Federasiyasında yeni investisiyaların qadağan edilməsini təsdiqləyib. Qeyd olunur ki, mayın 12-dən etibarən Yaponiyadan Rusiyada yeni investisiyalar yalnız xüsusi icazələrlə həyata keçirilə bilər. Aprelin 8-də Tokionun Moskvaya qarşı yeni sanksiyalar tətbiq etmək qərarı Yaponiyanın baş naziri Fumio Kişida tərəfindən açıqlanmışdı.
Eyni zamanda Yaponiyanın İqtisadiyyat, Ticarət və Sənaye Nazirliyindən bildirən məlumata görə, Rusiyadan idxal edilən 38 adda məhsula qadağa qoyub. Məlumata görə, idxalı yasaqlanan məhsullar arasında araq, çaxır, pivə, avtomobil, motosiklet, metal emalı avadanlığı, pompalar, ağac məmulatları da var. Bu məhdudlaşdırıcı tədbirlərin aprelin 19-da qüvvəyə minəcəyi deyilir.
