Ukrayna Müdafiə Nazirliyi davam edən Rusiya-Ukrayna müharibəsində Rusiya tərəfinin itkilərinin yenilənmiş siyahısını yayımlayıb.
YALAN.info bildirir ki, bununla bağlı Ukrayna Silahlı Qüvvələri Baş Qərargahının Facebook sosial şəbəkə hesabında paylaşım edilib.
Qeyd olunub ki, döyüşlərin başladığı gündən bu yana Rusiya Ordusunun şəxsi heyəti arasında itkilər 28500 nəfərə çatıb.
Gedən döyüşlərdə Rusiya silahlı qüvvələrinin 1254 tankı, 3063 zirehli döyüş maşını, 595 artilleriya sistemi, 199 reaktiv yaylım atəşi sistemi, 93 HHM sistemi, 203 təyyarəsi, 167 helikopteri, 2157 avtomobil texnikası, 13 gəmisi, 455 kəşfiyyat PUA-sı, 43 xüsusi texnikası və 103 qanadlı raketi məhv edilib.
