UEDA Çempionlar Liqasında (ÇL) 2019/20 mövsümünə PSJ-Bavariya oyunu ilə yekun vurulub.
YALAN.info Online Xəbərlər və İnformasiya Saytı bildirir ki, turnirdə final görüşü keçirilib.
Həlledici qarşılaşmada Fransa çempionu PSJ ilə Almaniyanın ən güclüsü “Bavariya” üz-üzə gəlib.
İtaliyalı Daniele Orsatonun idarə etdiyi görüşdə PSJ tarixində ilk dəfə, “Bavariya” isə 11-ci dəfə final oyununa çıxıb.
Qarşılaşmanın taleyini bir qol həll edib.
Oyunun 59-cu dəqiqəsində Kinqsli Komanın qolu “Bavariya”ya 11-ci final oyununda 6-cı ÇL çempionluğunu qazandırıb.
UDEA ÇL-nın finalında PSJ – “Bayern”( 0:1) qarşılaşmasından sonra Fransanın paytaxtı Parisdə iğtişaşlar baş verib.
“360tv” xəbər verir ki, komandasının uduzmağı ilə barışmaq istəməyən PSJ klubunun azarkeşləri ilə polis arasında qarşıdurma yaşanıb.
Hüquq-mühafizə orqanlarının əməkdaşları 83 nəfəri saxlayıb.
