UEFA Avropa Liqasının qrup mərhələsində E qrupunun V tur oyunları keçirilib.
YALAN.info Onlayn Xəbərlər və İnformasiya Saytı bildirir ki, Türkiyə təmsilçilərindən “Qalatasaray” öz meydanında Fransa “Marsel”ini qəbul edib. Görüş meydan sahiblərinin inamlı qələbəsi ilə sona çatıb – 4:2.
Hesabı 12-ci dəqiqədə “sarı-qırmızılar”ın rumıniyalı legioneri Aleksandru Çikıldeu açıb. 30-cu dəqiqədə “Marsel”in futbolçusu Due Çaleta-Tsar topu öz qapısına vurub. 64-cü dəqiqədə Sofyan Fequli fərqi 3 topa çatdırıb.
68-ci dəqiqədə “Marsel” penalti vurmaq hüququ qazanıb. Arkadiuş Milikin 11 metrlik cərimə zərbəsini qapıçı Fernando Muslera qaytarsa da, polşalı hücumçu təkrar zərbə ilə fərqi azaldıb. Lakin 83-cü dəqiqədə Rayan Babel “Qalatasaray”ın aktivinə 4-cü qolu yazdırıb. Oyunda son nöqtəni isə 85-ci dəqiqədə Milik qoyub.
E qrupunun digər qarşılaşmasında İtaliya “Latsio”su Rusiyada “Lokomotiv”i darmadağın edib – 3:0. Bununla da İstanbul və Roma təmsilçiləri qrupda ilk 2 yeri təmin edərək, növbəti mərhələyə yüksəlib.
UEFA Avropa Liqası: E qrupu
Oyun | Q | H | M | VT | BT | TF | Xal | |
---|---|---|---|---|---|---|---|---|
Qalatasaray | 5 | 3 | 2 | 0 | 7 | 3 | 4 | 11 |
Latsio | 5 | 2 | 2 | 1 | 7 | 3 | 4 | 8 |
Marsel | 5 | 0 | 4 | 1 | 5 | 7 | -2 | 4 |
Lokomotiv Moskva | 5 | 0 | 2 | 3 | 2 | 8 | -6 | 2 |