Türkiyədə Fətullah Gülən camaatına qarşı aparılan istintaq çərçivəsində 543 hakim və prokuror peşəsindən kənarlaşdırılıb.
Avropa.info xəbər verir ki, Türkiyənin Hakim və Prokurorlar Yüksək Qurumunda Fətullahçı Terror Təşkilatı (FETÖ) ilə əlaqəsi olan 543 hakim və prokuror işindən çıxarılıb.
Beləliklə də, Fətullah Gülən camaatına qarşı aparılan istintaq çərçivəsində çalışdığı işindən kənarlaşdırılan ədliyyə işçilərinin sayı 3390 olub.
Fəthullah Gülən hərəkatına qarşı əməliyyat çərçivəsində quru və dəniz qüvvələrindən 820 hərbçi çıxarılıb. Türkiyə mediasının xəbərinə görə, çıxarılmış 648 hərbçi hərbi çevrilişlə əlaqələri olduğuna görə həbs edilib.
Xatırladaq ki, Türkiyədə iyulun 15-də hərbi çevrilişə cəhddən sonra Fətullah Gülən terror təşkilatı (FETÖ) ilə bağlı əməliyyatlara başlanılıb.
