“Rusiyadakı qismən səfərbərlik müharibəni daha da uzada bilər”.

YALAN.info bildirir ki, bunu Türkiyənin xarici işlər naziri Mövlud Çavuşoğlu jurnalistlərə açıqlamasında deyib.

Onun sözlərinə görə, məsələni Rusiyanın xarici işlər naziri Sergey Lavrovla müzakirə edib. “O, öz ölkəsinin qərarlarını müdafiə edir. Qismən səfərbərlik hər ölkənin öz haqqıdır. Səbəb davam edən müharibədir. Bizim səylərimiz Ukrayna və Rusiya liderlərini görüşdürüb, savaşa ən qısa vaxtda son verməkdir”, – o bildirib.

M.Çavuşoğlunun fikrincə, iş Rusiya və Ukrayna tərəfləri ilə danışıqlar aparmaqla bitmir: XİN başçısı vurğulayıb ki, müharibənin uzanmasını istəyən digər tərəfləri də razı salmaq lazımdır: “Biz həmişə deyirik ki, müharibənin qalibi, ədalətli sülhün məğlubu olmaz”.

Yada salaq ki, sentyabrın 21-də Rusiya Prezidenti Vladimir Putin xalqa müraciətində ölkədə qismən səfərbərlik elan olunduğunu açıqlayıb. Rusiyanın müdafiə naziri ordu generalı Sergey Şoyqu isə ehtiyatda olan 300 min nəfərin qismən səfərbərlik çərçivəsində orduya çağırılacağını bildirib.

BİR CAVAB YAZ

Buyurun, açıqlamanızı yazın!
Buyurun, adınızı bura yazın