Polisi təhdid etməkdə günahlandırılan Türkiyəli məşhur pop müğənni Aleyna Tilki həbs ediləcək.
YALAN.info Onlayn Xəbərlər və İnformasiya Saytı bildirir ki, buna səbəb Aleyna Tilkinin 2020-ci ilin yanvar ayında İtaliyanın Milan şəhərinə uçmaq üçün hava limanına gedərkən orada Neslihan Ö. adlı mühafizəçini təhqir etməsi olub.
Belə ki, gənc müğənni mühafizəçiyə deyib: “Sən kimsən, polissən? Səni tapıb məhv edəcəyəm, axmaqsan? Sənə görə təyyarəyə gecikəcəyəm”.
Neslihan Ö.-nün şikayətindən sonra müğənni polis mərkəzində ifadə verib, uçuşunu təxirə salaraq hava limanından ayrılıb. Faktla bağlı Qaziosmanpaşa Baş Prokurorluğunda gənc müğənni ilə bağlı cinayət işi başlanılıb.
Məhkəmə qərarı ilə təqsirləndirilən Aleyna Tilki vəzifə başında olan dövlət məmurunu təhqir etmək ittihamı ilə 7080 Türkiyə lirəsi məbləğində cərimələnib. Həmçinin, təhdid etməkdə təqsirli bilinərək 5 ay həbs cəzası alıb.
