Türkiyə Respublikasının 3 əyalətinin 8 məntəqəsində yanğınlar davam edir.
YALAN.info Onlayn Xəbərlər və İnformasiya Saytı bildirir ki, Muğlanın Marmaris, Köycegiz, Milas, Kavaklidere və Seyidkemer, Tuncelinin Hozat, Antalyanın Manavgat və Gündoğmuş rayonlarında yanğınların qarşısını almaq hələlik mümkün olmayıb.
Məlumata görə, 119 nöqtədə yanğın nəzarət altına alınıb.
Ölkənin kənd və meşə təsərrüfatı naziri Bekir Pakdemirlinin sözlərinə görə, Muğlada yanğınların söndürülməsinə 4 təyyarə, 1 pilotsuz uçuş aparatı, 17 helikopter, 186 susəpən, 93 yanğınsöndürən maşın, 414 avtomobil, 55 ambulans və 1 457 nəfər yanğınsöndürən cəlb olunub.
Türkiyədəki yanğınlar səbəbindən bir sıra rayonlardan sakinlər təxliyə edilib. İndiyədək 864 nəfər zərər çəkərək xəstəxanaya yerləşdirilib, onların 27-si xəstəxana şəraitində müalicə olunur. Yanğınlar nəticəsində vəfat edənlərin sayı 8-ə yüksəlib.
