Türkiyə Respublikasının Prezidenti Rəcəb Tayyib Ərdoğanın Birləşmiş Ərəb Əmirliklərinə (BƏƏ) səfəri çərçivəsində iki ölkə arasında müxtəlif sahələrdə 13 müqavilə imzalanıb.
YALAN.info Onlayn Xəbərlər və İnformasiya Saytı bildirir ki, Türkiyə-BƏƏ arasında imzalanmış sazişlər səhiyyə, iqlim, sənaye və qabaqcıl texnologiyalar, mədəniyyət, kənd təsərrüfatı, quru və dəniz nəqliyyatı, gənclər siyasəti, fövqəladə halların idarə edilməsi, meteorologiya, media və kommunikasiya kimi sahələri əhatə edir.
Həmçinin, ölkələr arasında hərtərəfli iqtisadi tərəfdaşlıq sazişi üzrə danışıqların başlanmasına dair Nazirlərin Birgə Bəyanatı, eləcə də müdafiə sənayesi sahəsində əməkdaşlıq görüşlərinin başlanmasına dair Niyyət Məktubu imzalanıb.
Bildirək ki, Rəcəb Tayyib Ərdoğanın BƏƏ-yə rəsmi səfəri Əbu-Dabi vəliəhdi Şeyx Məhəmməd bin Zayed Əl Nəhyanın dəvəti ilə həyata keçirilir.
