“Biz bu gün Çinə Rusiyaya yardımını dayandırmaq barədə çağırış etdik”.
YALAN.info bildirir ki, bunu Şimali Atlantika Alyansının (NATO) Baş katibi Yens Stoltenberq Alyansa üzv olan ölkələrin dövlət və hökumət başçılarının bu gün Belçikanın paytaxtı Brüsseldə baş tutan fövqəladə toplantısından sonra keçirdiyi mətbuat konfransında deyib.
“Pekin iqtisadi və başqa sahələrdə Moskvaya dəstəyini dayandırmalıdır. Çin Rusiyaya təzyiq göstərməli və dərhal konstruktiv mövqe ortaya qoymalıdır. Belarus da, həmçinin Rusiya işğalına ortaqlıqdan əl çəkməlidir”, – o bildirib.
