Böyük Britaniyada yaşayan Azərbaycan əsilli musiqiçi Sami Yusif “Qarabağımsan” (Bülbüllər yurdu) adlı musiqili kompozisiya hazırlayıb.
YALAN.info Onlayn Xəbərlər və İnformasiya Saytı bildirir ki, dünyaca məşhur bəstəkar və müğənni bununla bağlı öz Twiter hesabında yazıb.
“Qarşıdan gələn bəstəmi elan etməkdən çox məmnunam”, – deyə o qeyd edib.
Bu, simfonik muğama eyhamlarla, Qarabağın əbədi gözəlliyinə olan sevgi və həsrət əsəri olacaq. Sami Yusuf kompozisiyanı Azərbaycanın görkəmli musiqiçiləri ilə birlikdə oxuyacağını bildirib. Əsərdə Azərbaycan milli musiqi alətlərindən olan tar və balabanın səslərini də eşidəcəyik.
Sami Yusuf qeyd edib ki, “Qarabağımsan” musiqi kompozisiyası tezliklə tamamlanacaq və bəstə 2022-ci ilin əvvəlində təqdim olunacaq.
