Bu gün Azərbaycan Premyer Liqasına X tur oyunları başlayıb. Turun açılış qarşılaşmasında “Qarabağ” FK lider “Sumqayıt”ı qəbul edib.
YALAN.info Onlayn Xəbərlər və İnformasiya Saytı bildirir ki, Ağdam komandası rəqibini 6:1 hesabı ilə darmadağın edib. Hər hissəyə üç qol vuran “Qarabağ”dan Donald Qerye (28, 45+1) və Abdellah Zubir (34, 89) dubl edib. “Qarabağ”dan digər iki qolu Toral Bayramov (54) və Mahir Emreli (75), “Sumqayıt”dan isə Tellur Mütəllimov (87) vurub.
Bununla da “Qarabağ” “Keşlə” (6:1) və “Neftçi” (6:0) ilə qarşılaşmalarda olduğu kimi, 6 qol vurub. Bu qələbə bir oyun az keçirmiş “Qarabağ”ı turnir cədvəlinin lideri edib.
Azərbaycan Premyer Liqası
Turnir Cədvəli
N – 1 | Klublar | O | Q | H | M | T-F | X |
---|---|---|---|---|---|---|---|
1 | Qarabağ FK | 9 | 5 | 3 | 1 | 26-6 | 18 |
2 | Zirə FK | 9 | 4 | 3 | 2 | 9-8 | 15 |
3 | Sumqayıt FK | 10 | 4 | 3 | 3 | 13-15 | 15 |
4 | Neftçi PFK | 9 | 4 | 2 | 3 | 7-12 | 14 |
5 | Keşlə FK | 9 | 3 | 3 | 3 | 10-12 | 12 |
6 | Səbail FK | 8 | 2 | 3 | 3 | 9-10 | 9 |
7 | Qəbələ FK | 9 | 1 | 5 | 3 | 7-14 | 8 |
8 | Sabah FK | 9 | 2 | 0 | 7 | 8-12 | 6 |
Qeyd edək ki, turun açılış oyunu əslində “Sabah” – “Səbail” qarşılaşması olmalı idi. Ancaq bir sıra futbolçuların yenidən COVID-19 testindən keçəcəyi üçün həmin qarşılaşma bu gün baş tutmayıb.