Futbol üzrə Portuqaliya Premyer Liqasında “Belenensens SAD” və “Benfika” klubları arasında olduqca qəribə oyun oynanılıb.
YALAN.info Onlayn Xəbərlər və İnformasiya Saytı bildirir ki, “Belenensens SAD” klubunda kütləvi epidemiya baş verib. Əsas komandanın 17 oyunçusunda koronavirus (COVID-19) testi müsbət çıxdığı üçün hamısı karantinə yollanıb.
Nəticədə “Belenensens SAD” “Benfika” ilə qarşılaşmaya ikisi qapıçı olmaqla (biri müdafiəçi kimi çıxış edib), cəmi 9 futbolçu ilə çıxıb. İlk 45 dəqiqə qonaqların 7:0 hesablı üstünlüyü ilə bitib. İkinci hissəyə 7 nəfər futbolçu ilə çıxan “Belenensens SAD”-ın oyunçularından biri axsayaraq meydanı tərk edib. Reqlamentə görə, altı futbolçu ilə oynamaq mümkün olmadığından, oyun dayandırılıb.
Bu durumda ən maraqlısı isə odur ki, qarşılaşmadan qabaq klub görüşün təxirə salınması xahişi ilə futbol federasiyasına müraciət etsə də, onlara rədd cavabı verilib.
