“PayPal”ın rəsmi olaraq Azərbaycanda tam şəkildə işə başlaması üzərində işlər görülür.
YALAN.info Onlayn Xəbərlər və İnformasiya Saytının bildirdiyinə görə, bunu “AzExport.az” portalının rəhbəri Ayxan Qadaşov deyib.
O bildirib ki, “PayPal” indi kiçik ölçüdə aparılan elektron ticarətin əsasını təşkil edir:
“Əksər hallarda ödəniş vasitəsi kimi “PayPal”dan istifadə edilir. Azərbaycanda “PayPal”ın istifadəsi qismən təmin olunub. İndi “PayPal”ın Azərbaycanda tam olaraq funksional işə başlaması üçün uyğun qanunvericilik və qaydalar təsdiq edilməlidir”.
“AzExport.az”un rəhbəri qeyd edib ki, “PayPal”ın Azərbaycanda tam işləməsi üçün indi Mərkəzi Bankla birgə işlər görülür. O əlavə edib ki, pandemiya səbəbindən səfərlərin təşkil edilə bilməməsi bunun yubanmasına səbəb olur.
