Pakistanın Baş naziri İmran Xan “Facebook” şirkətinin rəhbəri Mark Zukerberqə sosial şəbəkədə anti-islam məzmunlu paylaşımların qadağan olunması istəyi ilə müraciət edib.
YALAN.info Onlayn Xəbərlər və İnformasiya Saytı bildirir ki, İmran Xan müraciətini “Twitter” hesabında yazıb.
“Sosial media platformalarında şiddət və böhtanların çoxaldığını nəzərə alaraq, Facebook-da əvvəllər holokosta qarşı olan qadağanın İslamofobiya və İslama nifrət məsələsinə də tətbiq olunmasını xahiş edirəm”, – İ.Xan bildirib.
Onun sözlərinə görə, dünyanın müxtəlif hissələrində müsəlmanlara qarşı təzyiqlər artıb. O, əsasən də Fransada Məhəmməd Peyğəmbərin karikaturasının yayılmasını, eləcə də Hindistandakı anti-müsəlman qanunlarını yada salıb.
My letter to CEO Facebook Mark Zuckerberg to ban Islamophobia just as Facebook has banned questioning or criticising the holocaust. pic.twitter.com/mCMnz9kxcj
— Imran Khan (@ImranKhanPTI) October 25, 2020
Pakistan baş naziri qeyd edib ki, İslam Fransada terrorçuluqla əlaqələndirilməyə başlayıb.
“Bu da Fransadakı müsəlmanların daha da qütbləşməsinə və uzaqlaşdırılmasına gətirib çıxaracaq”, – deyə o əlavə edib.
