Pakistan Paşinyanın əsassız ittihamlarını rədd etdi: Azərbaycanın hərbi dəstəyə ehtiyacı yoxdur!

Pakistanın Xarici İşlər Nazirliyi Ermənistanın Baş naziri Nikol Paşinyanın bu günlərdə “RIA Novosti” telekanalına müsahibəsində bu ölkənin hərbi qüvvələrinin Azərbaycan Ordusuna yardım etməsi ilə bağlı fikirlərini əsassız adlandırıb.

XİN öz bəyanatında Ermənistanın baş nazirinin “əsassız və yersiz şərhlərini” qəti şəkildə rədd edib.

Nazirlik xatırladır ki, Prezident İlham Əliyev öz çıxışında bildirib ki, Azərbaycan silahlı qüvvələri kifayət qədər güclüdür və öz torpaqlarını müdafiə etmək üçün heç bir xarici ölkənin köməyinə ehtiyacı yoxdur.

Pakistan XİN-i hesab edir ki, Ermənistan rəhbərliyi özünün Azərbaycana qarşı qanunsuz hərəkətlərini ört-basdır etmək üçün bu cür məsuliyyətsiz propaqandaya sığınır.

“Pakistan Azərbaycana diplomatik, mənəvi və siyasi dəstəyini ardıcıl şəkildə genişləndirib. Pakistan qardaş Azərbaycan xalqının yanında durmağa davam edəcək və hər hansısa təcavüzə qarşı onun özünümüdafiə hüququnu dəstəkləyəcək”, – deyə bəyanatda vurğulanır.

Pakistan XİN-i əlavə edib ki, münaqişə tərəfləri arasında sülh və münasibətlərin normallaşdırılması BMT TŞ-nın qətnamələrinin tam və hərtərəfli yerinə yetirilməsindən və Ermənistan hərbi qüvvlərinin Azərbaycan torpaqlarından çıxarılmasından asılı olacaq.

YALAN.info

YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

Bu Xəbərləri də Bəyənəcəksiniz

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir