ABŞ-ın Dövlət katibi Mayk Pompeo üçüncü ölkələrdən Azərbaycan-Ermənistan arasında gedən Dağlıq Qarabağdakı münaqişəyə müdaxilə etməmələrini istəyib. Rbc.ru-nun məlumatına görə, o, mətbuat konfransı zamanı bu məsələyə toxunub.
Pompeo jurnalistlərdən birinin ABŞ prezidenti Donald Tramp administrasiyasının bölgədəki durumla bağlı hansı addımları atdığı barədə sualını cavablandırıb:
“Biz bütün beynəlxalq oyunçulardan durumu ağırlaşdırmamaq üçün bölgədən uzaq durmalarını xahiş etdik və bunun üzərində işləyirik”. Pompeo Azərbaycan Ordusunun Türkiyə tərəfindən təchiz edilməsindən xəbərdar olduğunu da söyləyib.
