Rusiya Ədliyyə Nazirliyi teleaparıcı və yumorist Maksim Qalkini xarici agent kimi fəaliyyət göstərən şəxslərin reyestrinə salınıb.
YALAN.info bildirir ki, bununla bağlı qurumun saytında məlumat verilib.
Nazirliyin məlumatına görə, Qalkin Ukraynadan maliyyə alaraq siyasi çalışmalarla məşğul olur. Sənətçi indi xaricdə yaşayır.
Onu da bildirək ki, Maksim Qalkin Rusiyanın Ukraynaya hücumu başlayanda ölkəsini tənqid etmişdi. Daha sonra Maksim Qalkin həyat yoldaşı Alla Puqaçova da övladları ilə İsrailə köçmüşdü.
M.Qalkin rus əsgərlərinin Buçada törətdiyi hərbi cinayətlərlə bağlı bildirmişdi ki, baş verənlərə bəraət qazandırmaq olmaz. Bundan sonra o, Rusiyanın Birinci Kanalında uzaqlaşdırılmış, onunla bağlanan reklam müqavilələri ləğv edilmişdi.
