Azərbaycan millisinin futbolçusu Mahir Emreli Xorvatiyanın “Dinamo” (Zaqreb) klubunda qol hesabını açıb.
YALAN.info bildirir ki, 25 yaşlı hücumçu səfərdə “Riyeka”ya qarşı keçirdikləri XXX tur qarşılaşmasında fərqlənib.
Emreli oyuna 57-ci dəqiqədə komandası 0:1 hesabı ilə geridə olduğu vaxt girib. 79-cu dəqiqədə rəqib qapısına yol tapan forvard hesabı bərabərləşdirib. Bununla yanaşı, futbolçu 87-ci dəqiqədə sarı vərəqə də alıb.
89-cu dəqiqədə isə azərbaycanlı futbolçunun sifətinə dirsək zərbəsi endirən “Riyeka”nın futbolçusu Anton Kresiçə referi VAR sisteminə müraciət etdikdən sonra qırmızı vərəqə göstərərək oyundan qovub.
Görüş “Dinamo”nun 2:1 hesablı qələbəsi ilə sona çatıb. Bununla da Zaqreb təmsilçisi 29 oyundan sonra xalını 63-ə çatdırıb və ehtiyatda daha bir görüşünün olmasına baxmayaraq, liderliyə yüksəlib.
