Argentina millisinin üzvü Lionel Messi yığmada 100 qol həddinə çatan üçüncü futbolçu kimi tarixə düşüb.

YALAN.info bildirir ki, kapitan buna Kurasao üzərində 7:0 hesablı qələbə qazandıqları oyunda nail olub.

36 yaşlı hücumçu het-trik etməklə Argentina yığmasındakı toplam qollarının sayını 102-yə çatdırıb. Onu da bildirək ki, millidə ən çox qol vuran oyunçular Qabriel Batistuta (55 qol), Sergio Aquero (41 qol), Hernan Krespo (35 qol) Qonzalo Hiquain (31 qol) və 6-ci sırada 29 qolla Dieqo Maradonadır.

Yığma komandalar tarixində rekordçu aktivində 122 qol olan portuqaliyalı Kriştiano Ronaldodur. İranın Azərbaycan əslli futbolçusu Əli Daei isə 109 topla ikinci sıradadır.

Maraqlıdır ki, atdığı het-trik sayını 57-yə çatdıran Messi karyerası ərzində 61 het-trik etmiş Kriştiano Ronaldodan geri qalır. Bundan başqa, professional karyerasında qol sayını da 803-ə çatdıran Messi burda da Ronaldoya uduzur. Belə ki, Kriştiano Ronaldonun vurduğu qolların sayı 832-dir. Onlardan sonra gələn Braziliyalı futbolçular Pele (762 qol) və Romario (755 qol) artıq karyeralarını bitiriblər.

BİR CAVAB YAZ

Buyurun, açıqlamanızı yazın!
Buyurun, adınızı bura yazın