Müxtəlif ixtisas sahibləri tərəfindən peşəkar çalışmaları məqsədilə istifadə edilən “LinkedIn” sosial şəbəkəsi Çində fəaliyyyətini dayandıracaq.
YALAN.info Onlayn Xəbərlər və İnformasiya Saytı bildirir ki, bununla bağlı şəbəkənin sahibi olan “Microsoft” şirkəti yazılı açıqlama yayıb.
Açıqlamada müvafiq qərarın səbəbi kimi ölkədə işgüzar şəraitin çətinləşməsi və şərtlərin sərtləşdirilməsi göstərilib.
Həmçinin, özəl olaraq Çin üçün hazırlanmış “InJobs” şəbəkəsinin “LinkedIn”i əvəzləyəcəyi, dəyişikliyin ilin sonunda gerçəkləşəcəyi bildirilib.
Qeyd edək ki, 2010-cu ildən etibarən “Google” şirkəti də Çində öz axtarış servisinin fəaliyyətini dayandırıb.
