Avropa ölkələri neft və qaz aldıqları müddətdə Rusiyaya tətbiq edilən sanksiyalar Ukraynaya qarşı müharibəni dayandırmayacaq. Bu gün müharibə Ukrayna iqtisadiyyatına Rusiyaya tətbiq edilən sanksiyalardan daha çox ziyan vurur.
YALAN.info bildirir ki, bununla bağlı Ukraynanın xarici işlər naziri Dmitro Kuleba deyib.
“İqtisadiyyatımız müharibədən Rusiyanın sanksiyalarından çəkdiyindən daha çox zərər çəkib. Sanksiyalar çox önəmli və təsirli olsa da, Avropa Rusiya neft və qazını almağa davam etdikcə, onlar Rusiyanın hərbi maşınının qarşısını ala bilməyəcəklər”, – deyə o vurğulayıb.
“Bəli, başqa sektorlar, pərakəndə satış, müdafiə böyük çətinliklər yaşayır. Uzunmüddətli perspektivdə onların iqtisadiyyatı məhv olacaq. Ancaq qısa müddətli perspektivdə onlar bizdən daha yaxşı durumdadırlar. Ona görə də dostlarımızdan və tərəfdaşlarımızdan bizə iqtisadi cəhətdən kömək etmələrini və daha da mübarizə aparmaq imkanı vermələrini xahiş edirik”, – deyə Kuleba əlavə edib.
