Ukraynanın paytaxtı Kiyevin teleqülləsi Rusiya Ordusunun atəşinə məruz qalıb.
YALAN.info Onlayn Xəbərlər və İnformasiya Saytı bildirir ki, bunu Ukrayna daxili işlər nazirinin müşaviri Anton Geraşenko Telegram kanalında bildirib.
Ukrayna Dövlət Fövqəladə Hallar Xidmətinin Facebook səhifəsində bildirilir ki, Kiyev teleqülləsinin atəşə tutulması nəticəsində 5 nəfər həlak olub, daha 5 nəfər yaralanıb.
İlkin məlumatlara görə, Kiyev teleqülləsinə iki raket düşüb. Teleqülləni elektrik enerjisi ilə qidalandıran transformator yarımstansiyası, eləcə də idarəetmə otağı zədələnib.
Bildirilib ki, teleqüllənin atəşə tutulması nəticəsində bəzi telekanalların yayımı dayanıb. Yaxın saatlarda kanalların bir hissəsinin yayımı bərpa olunacaq.
