Vyanada İranın nüvə proqramı ilə bağlı aparılan danışıqlar yekun mərhələyə çatıb və siyasi qərarlar üçün dayandırılıb.

YALAN.info Onlayn Xəbərlər və İnformasiya Saytı bildirir ki, bununla bağlı “Al-Arabiya” telekanalı məlumat yayıb.

Avropa Birliyinin (AB) koordinatoru Enrike Mora bildirib ki, iştirakçılar məsləhətləşmələr üçün paytaxtlarına gedəcək və gələn həftə Vyanaya qayıdacaqlar.

Onu da bildirək ki, Vyanada İran, Böyük Britaniya, Çin, Fransa, Almaniya və Rusiya arasında sanksiyaların ləğvi müqabilində 2015-ci ildə hazırlanmış İranın Nüvə Proqramı üzrə Birgə Hərtərəfli Fəaliyyət Planına (JCPOA) qayıtmaq üçün danışıqlar aparılır.

Yada salaq ki, 2018-ci ildə ABŞ fəaliyyət planından çıxıb və İrana qarşı yenidən sanksiyalar tətbiq edib.

Bu həftə İran ilk dəfə olaraq ABŞ-la birbaşa danışıqlara açıq olduğunu bildirib. Ağ Ev də öz növbəsində buna hazır olduğunu bəyan edib.

BİR CAVAB YAZ

Buyurun, açıqlamanızı yazın!
Buyurun, adınızı bura yazın