Yanvarın 1-dən 10-dək Gürcüstan Respublikasında qeyri-iş günləri olacaq.
YALAN.info Onlayn Xəbərlər və İnformasiya Saytı bildirir ki, bununla bağlı Gürcüstan Dövlət Qurumlararası Koordinasiya Şurası qərar qəbul edib.
Qərara uyğun olaraq, dövlət qurumları yanvarın 1-dən 10-dək istirahət edəcəklər. Özəl sektor isə tətilə öz qərarı ilə çıxacaq.
Qeyd edək ki, Gürcüstan məktəblərində dekabrın 29-dan 2022-ci il yanvarın 18-dək tətil elan olunub.
Bundan başqa, Gürcüstan hökumətinin pandemiya dövründə fövqəladə vəziyyət elan etmədən məhdudiyyətlər tətbiq etməklə bağlı səlahiyyət müddəti 2023-cü ilin yanvarın 1-dək uzadılıb. Ölkə parlamentinin bugünkü iclasında “İctimai sağlamlıq” haqqında qanuna bununla bağlı müvafiq düzəlişlər qəbul olunub.
Qanun layihəsi 77 səslə dəstəklənib, 4 deputat əleyhinə səs verib. Sənədə uyğun olaraq, müddətin artırılmasının məqsədi hökumətin pandemiyanın yayılmasının qarşısını alması və proseslərin idarə olunması üçün mövcud hüquqi mexanizmin saxlanılmasıdır.
