Fransa Respublikası gələn il müdafiə xərclərini 3 milyard avro arta bilər.
YALAN.info bildirir ki, bununla bağlı Fransa hərbi departamentinin rəhbəri Sebastien Lecornu (Sébastien Lecornu) “Le Journal du Dimanche” qəzetinə müsahibəsində deyib.
“Mən hökumətin 2023-cü il üçün hərbi büdcəni 3 milyard avro artırmaq istəyini bir daha təsdiq edirəm. Bu, parlamentin müzakirəsinə veriləcək”, – Lekornu nəşrin bununla bağlı sualını cavablandırarkən deyib.
O bildirib ki, hərbi idarə Ukraynadakı durumun fonunda təcrübəni dəyərləndirmək və müdafiə büdcəsinə əlavə düzəlişlər etmək istəyindədir.
Fransa hərbi departamentinin məlumatına görə, 2019-2025-ci illərdə ölkənin silahlarının modernləşdirilməsi proqramının maliyyələşdirilməsinə 295 milyard avro ayrılması planlaşdırılıb. İyunun 13-də Makron Ukraynadakı münaqişə fonunda bu xərclərin gözdən keçirilməsini tapşırıb. Dövlət başçısı qeyd edib ki, indiki proqram “yüksək intensivlikli müharibə” ehtimalı nəzərə alınmadan qəbul edilib.