Fransada polis Parisin mərkəzində toplaşmış qaçqınları qovub və baş verənləri çəkməyə çalışan jurnalistlərə hücum edib.
YALAN.info Onlayn Xəbərlər və İnformasiya Saytı bildirir ki, REN TV-nin təqdim etdiyi kadrlardan görünür ki, polis xüsusi əməliyyat keçirərək, Parisin mərkəzinə toplaşan qaçqınları qovur.
Jurnalistlər həmin hadisələri kameraya çəkən zaman polislərin hücumuna məruz qalıblar. Nəticədə, media nümayəndələrinin avadanlıqları sındırılıb, onların bəziləri həkimə müraciət etməli olublar.
Qeyd edilir ki, Fransada yeni qanun layihəsinə görə, jurnalistlərə işini yerinə yetirən polisləri videoya çəkmək qadağandır. Ancaq sözügedən qanun hələ qəbul edilməyib.
