“Baş nazir Nikol Paşinyanın mütəmadi koronavirusa (COVID-19) yoluxması siyasi çevrələrdə aktiv müzakirə olunur. Bu, bəzi şübhələrə yol açıb”.
YALAN.info Onlayn Xəbərlər və İnformasiya Saytı bildirir ki, bunu Ermənistanın “Hraparak” qəzeti yazıb.
“Əgər Paşinyan, Baş nazir ofisinin açıqladığı kimi, infeksiyanı simptomsuz keçirirsə, sual yaranır: niyə o, koronavirusa yoluxduğunu sanıb analiz verib? Paşinyan hər hansısa əsas olmadan müayinə olunur və həkimlərə müraciət edir?”, – qəzet sual edib.
Nəşr bildirib ki, bir versiyaya görə, N.Paşinyan ya arzuolunmaz xarici səfərdən yayınır, ya da, başqa bir versiyaya görə, səbəb Ordu Gününün qeyd olunmasıdır. Yanvarın 28-də İdman-Konsert Kompleksində müharibədən qayıdanların da iştirak edəcəyi tədbir nəzərdə tutulub. “Hraparak” vurğulayıb ki, N.Paşinyanın iştirakı ilə təsirli səhnələr yaratmağa çalışıblar, ancaq iştirakçılar razılaşmayıb. Ermənistan Baş naziri isə, öz növbəsində, “adi” şousuz tədbirə qatılmağı məqsədəuyğun saymır.
Bildirək ki, Ermənistan Nazirlər Kabinetinin mətbuat xidmətinin məlumatına görə, Baş nazir Nikol Paşinyan koronavirusa yoluxub. Baş nazir xəstəliyi simptomsuz keçirir. O, özünü təcrid edib və fəaliyyətini distant formada davam etdirəcək.
Yada salaq ki, Ermənistanın Baş naziri Nikol Paşinyan artıq ikinci dəfədir koronavirusa yoluxub. Onda birinci yoluxma halı 2020-ci ilin iyun ayında qeydə alınıb.
