Dövlət Statistika Komitəsi pandemiya dövründə ölkəyə gələn və gedən turistlərin sayını açıqladı

Dövlət Sərhəd Xidmətinin məlumatına görə, pandemiya aylarında Azərbaycana 720,3 min turist gəlib və 1 milyon 106,7 min Azərbaycan vətəndaşı xarici ölkələrə gedib.

YALAN.info Onlayn Xəbərlər və İnformasiya Saytı bildirir ki, keçən ilin uyğun dövrü ilə qarşılaşdırdıqda, ölkəyə 3,7 dəfə az turist gəlib və xarici ölkələrə gedən azərbaycanlıların sayı 4,2 dəfə azalıb.

Keçən illə müqayisədə ölkəyə 3,7 dəfə az turist gəlib

2020-ci ilin yanvar-oktyabr aylarında Azərbaycana dünyanın 155 ölkəsindən 720,3 min əcnəbi və vətəndaşlığı olmayan şəxs gəlib.

2020-ci ilin yanvar-oktyabr aylarında ölkəmizə gələnlərin 28 faizi Rusiya Federasiyası, 24,3 faizi Gürcüstan, 18,9 faizi Türkiyə, 8,6 faizi İran, 2,1 faizi Ukrayna, 1,8 faizi Hindistan, 1,7 faizi Səudiyyə Ərəbistanı, hər birindən 1,1 faiz olmaqla Pakistan, Türkmənistan, Birləşmiş Ərəb Əmirlikləri və Qazaxıstan, 1 faizi Küveyt, 0,9 faizi Böyük Britaniya, 0,8 faizi Belarus, hər birindən 0,7 faiz olmaqla, Özbəkistan və İraq, 0,6 faizi İsrail, 5,4 faizi başqa ölkələrin vətəndaşları, 0,1 faizi isə vətəndaşlığı olmayan şəxslər olub.

Gələnlərin 79,6 faizini kişilər, 20,4 faizini qadınlar təşkil edib.

Toplamda Avropa Birliyi ölkələrindən gələnlərin sayı 5,7 dəfə azalaraq, 21,1 min nəfər, körfəz ölkələrindən gələnlərin sayı 4,7 dəfə azalaraq, 100 min nəfər, MDB ölkələrindən gələnlərin sayı dörd dəfə azalaraq, 245,7 min nəfər olub.

Ölkəmizə gələn əcnəbilər və vətəndaşlığı olmayan şəxslərin 69,3 faizi dəmir yolu və avtomobil, 28,3 faizi hava, 2,4 faizi isə dəniz nəqliyyatından istifadə edib.

Qeyd edilib ki, koronavirus pandemiyası ilə bağlı yaranmış vəziyyət digər ölkələrdə olduğu kimi, Azərbaycanın da turizm sektoruna təsirsiz ötüşməyib və mart ayından başlayaraq bu sahədə ciddi tənəzzülə səbəb olub.

Xarici ölkələrə səfər edən Azərbaycan vətəndaşlarının sayı 4,2 dəfə azalıb

Dövlət Statistika Komitəsindən verilən məlumata görə, pandemiya dövrü boyunca xarici ölkələrə səfər edən azərbaycanlıların sayı 1 milyon 106,7 min nəfər olub.

Azərbaycan vətəndaşlarının 30,3 faizi İrana, 27,2 faizi Gürcüstana, 19,2 faizi Rusiya Federasiyasına, 14,6 faizi Türkiyəyə və qalan 8,7 faizi başqa ölkələrə səfər edib.

Bu şəxslərin 70,1 faizini kişilər, 29,9 faizini qadınlar təşkil edib.

Bu dövrdə İrana gedən Azərbaycan vətəndaşlarının sayı 5,1 dəfə, Gürcüstana gedənlərin sayı 4,5 dəfə, Rusiya Federasiyasına gedənlərin sayı 3,8 dəfə, Türkiyəyə gedənlərin sayı isə 3,3 dəfə azalıb.

2020-ci ilin yanvar-oktyabr aylarında xarici ölkələrə səfər edən Azərbaycan Respublikası vətəndaşlarının 75,3 faizi dəmir yolu və avtomobil, 22,1 faizi hava, 2,6 faizi isə dəniz nəqliyyatından istifadə edib.

Qeyd edilib ki, koronavirus infeksiyasının yayılmasının qarşısını almaq məqsədilə Azərbaycan Respublikası ilə qonşu dövlətlər arasında dövlət sərhədində məhdudlaşdırıcı rejimin, eləcə də dünyanın əksər ölkələrində vətəndaşların səfərlərinə müvəqqəti məhdudiyyətlərin tətbiq olunması cari ilin aprel-oktyabr aylarında gediş-gəliş sayında kəskin azalmaya səbəb olub və baş tutmuş səfərlər əsas etibarilə qeyri-turizm məqsədilə həyata keçirilib.

YALAN.info

YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

Bu Xəbərləri də Bəyənəcəksiniz

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir