Amerika Birləşmiş Ştatlarının Prezidenti Cozef Bayden Rusiyaya qarşı sanksiyaların tətbiqi qərarını açıqlayıb.
YALAN.info Onlayn Xəbərlər və İnformasiya Saytı bildirir ki, ABŞ lideri belə bir addımı Rusiya Federasiyasının “DXR” və “LXR” adlanan qurumları tanımaq qərarından sonra atıb.
Ağ Ev rəhbərinin sözlərinə görə, bu, ilk sanksiyalar paketidir və Rusiya təcavüzünü davam etdirsə, onlar daha da sərtləşəcək.
Sanksiyalar 23 fevraldan başlayaraq iki ən böyük maliyyə qurumu – VTB Bank və Hərbi Banka, Rusiyanın suveren borcuna, eləcə də qondarma respublikaların tanınmasında iştirak edən şəxslərə və onların ailə üzvlərinə şamil olunub.
“Rusiya növbəti addımı barədə düşünərkən, biz öz addımımızı hazırlayırıq”, – deyə Amerika prezidenti əlavə edib: “Rusiya təcavüzünü, o cümlədən əlavə sanksiyalar nəticəsində daha yüksək qiymət ödəyəcək”.
