Corc Soros (George Soros) ABŞ hüquq sisteminə sağalmaz yara vurub. Bunu prokurorlara “cinayətkarlara daha humanist yanaşma” yolu ilə maliyyə dəstəyi göstərməklə həyata keçirib.

YALAN.info bildirir ki, bununla bağlı “New York Post”un macarəsilli amerikalı investor və xeyriyyəçi Corc Sorosa həsr etdiyi məqalədə deyilir.

Materialda bu şəxsin cəmi 40 milyon dollara ABŞ-nin hüquq sistemini yenidən qurmağa müvəffəq olduğu vurğulanıb: “Soros və onunla əlaqəli təşkilatlar prokurorları dəstəkləyirlər, onlar isə qanunu və düzəni anarxiya və iğtişaşlara çevirməyə çalışırlar”.

Məlumata görə, Sorosun dəstəklədiyi 75 prokuror bu postları tuta bilib. Nəticədə, hər beş amerikalıdan biri və ölkənin ən çox məskunlaşmanın olduğu şəhərlərin əhalisinin yarısı Soros tərəfindən dəstəklənən və ya onun ideologiyasını bölüşən bir dairə prokurorunun fəaliyyət göstərdiyi yerdə yaşayırdı.

Məqalədə bildirilib ki, bunun nəticəsində dəymiş ziyan ölçüyə gəlmir: “Mağazalardan oğurluq və narkotik istifadəsi cinayət sayılmadı, təkrar cinayət törədənlər girovsuz sərbəst buraxıldılar, Baltimor, Çikaqo, San-Fransisko, Nyu-York və digər şəhərlərdə qətllər, soyğunçuluq və b. artdı”.

Durum son vaxtlar dəyişməyə başlasa da, hələ qarşıda uzun yol var, ancaq məsələ aydındır: “Soros təcrübəsi ABŞ üçün fəlakətə çevrildi”.

BİR CAVAB YAZ

Buyurun, açıqlamanızı yazın!
Buyurun, adınızı bura yazın