ABŞ-da demokratların prezidentliyə namizədi Cozef Bayden respublikaçı Donald Trampı məğlub etmək üçün lazım olan 270 seçici kollegiyası səsini qazanıb.
YALAN.info Onlayn Xəbərlər və İnformasiya Saytı bildirir ki, bununla bağlı CNN telekanalı proqnoz verib.
Dəyərləndirmələrə uyğun olaraq, C.Bayden Pensilvaniya ştatında qalib gəlib. Namizəd seçkini qazanmaq üçün 538 seçici kollegiyası səsindən 270-ni yığmalıdır.
Beləliklə, indi Bayden 273, Tramp isə 213 seçici səsi qazanıb.
Donald Tramp prezident seçkilərində böyük fərqlə qələbə qazandığını elan etdi
Eyni zamanda ABŞ-ın indiki prezidenti Donald Tramp prezident seçkilərində böyük fərqlə qalib gəldiyini açıqlayıb. Bunu respublikaçıların namizədi öz “Twitter” səhifəsində yazıb.
“Bu seçkiləri böyük fərqlə qazandım!” – D.Tramp öz “Twitter” hesabında böyük hərflərlə yazıb.
I WON THIS ELECTION, BY A LOT!
— Donald J. Trump (@realDonaldTrump) November 7, 2020
