Çingiz Abdullayev: Şuşada Xarı-Bülbül Festivalı – Bayramınız mübarək!

Azərbaycanın Xalq Yazıçısı Çingiz Abdullayev Facebook sosial şəbəkəsindəki səhifəsində Şuşada keçirilmiş Xarı-Bülbül musiqi festivalı ilə bağlı paylaşım edib. YALAN.info Onlayn Xəbərlər və İnformasiya Saytı həmin paylaşımı olduğu kimi sizin diqqətinizə çatdırır:

Şuşada “Xarı-Bülbül” festivalı. Biz hamımız demək olar ki, hər gün, hər görüşdə, hər yığıncaqda Şuşada keçirilən “Xarı-Bülbül” festivalı haqqında danışırdıq. Biz “Gələn ili Şuşada keçirək” sözlərinə bir arzu, and kimi inanırdıq. Və bu möcüzə baş verdi! Doğma Şuşaya qayıtdıqdan altı ay sonra!

Bilirəm ki, mənim səhifəmi qırxdan çox ölkədə izləyirlər, o cümlədən Ermənistanda. İstəyirəm ki, hamı başa düşsün və dərk etsin ki, bu sadəcə bizim müharibədəki qələbəmizin sevinci deyil. Biz heç bir zaman müharibə tərəfdarı olmamışıq. Biz qonşularımızın torpağını zəbt etməmişik. Biz öz ölkəmizin, torpağımızın ərazi bütövlüyünü bərpa etmişik. Şuşa hər zaman birmənalı şəkildə bizim ölkəmizin mədəniyyət paytaxtı, xalqımızın qürur mənbəyi hesab olunub.

Məhz buna görə də bu festival “gözlərimizdə yaş” və böyük sevinc hissi ilə qeyd olunur. Bu festivalın Ramazan bayramı ilə eyni vaxtda olmağı heyrətamiz təsadüfdür. Qoy bu müharibədə öz doğmalarını və yaxınlarını itirən hər bir kəsin – ürəyi yaralı şəhid ana və atalarının, həyat yoldaşı və övladlarının da qəlblərində bayram olsun. Şəhidlərimizin ruhu bu gün bizimlədir!

Bakıda metroda erməni terroru nəticəsində həlak olan Rafiq Babayevin ruhu bizimlədir! Həmçinin onunla birlikdə həlak olan Azərbaycan vətəndaşlarının ruhu bizimlədir! 1990-cı ilin yanvarında güllələnən və yaralanan hər bir kəs bizimlədir! 1991-ci il 20 noyabrda Xocavənd rayonunun Qarakənd kəndinin yaxınlığındakı vertolyot qəzasında həlak olan siyasi xadimlər bizimlədir! Xocalıda güllələnən və yaralanan qadın və uşaqlarımız bizimlədir! Torpaq uğrunda şəhid olanlar bizimlədir! Bu gün onlar hamısı “Cıdırdüzündə” bizimlədir! Onların ruhu şaddır! Biz bu günü neçə illər gözləyirdik!

Bundan sonra çox festivallar, bayramlar, görüşlər keçiriləcək. Ancaq bu festival 28 illik Şüşa həsrətindən sonra ilk festivaldır! İlham Əliyevin bu festivalı açmağı simvolikdır. O, tarix boyu Azərbaycan xalqının yaddaşında Şuşanın xilaskarı kimi qalacaq! Əbədi qalacaq! Bu gün biz dövlətimizi parçalanmaq təhlükəsindən xilas edən ümummilli lider Heydər Əliyevi xatırlamalıyıq. Hər kəs çox sağ olsun! Bayramınız mübarək!

YALAN.info

YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

Bu Xəbərləri də Bəyənəcəksiniz

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir