Türkiyənin xarici işlər naziri Mövlud Çavuşoğlu ABŞ prezidenti Co Bayden başda olmaqla, bir sıra qərb liderlərini ikiüzlülükdə ittiham edib.
YALAN.info bildirir ki, Türkiyəli nazir bir sıra dövlət başçılarının qondarma “erməni soyqırımı” ilə bağlı mövqeyinə etirazını bildirib.
“Son günlərdə bəzi qərb liderləri iddia edirlər ki, soyqırım yalnız məhkəmə qərarı ilə müəyyən edilə bilər. Bu həqiqətdir!
Həmin şəxslərin məhkəmə qərarı olmadan, siyasi motivlərlə 1915-ci il hadisələri üçün “soyqırım” ifadəsini işlətmələri onların ikiüzlülüyünün ən bariz nümunəsidir”, – nazir qeyd edib.
Bildirək ki, ABŞ prezidenti Co Bayden 1915-ci il hadisələrini şərh edərkən bir daha “soyqırım” ifadəsini işlədib. Buna cavab olaraq, Türkiyə XİN tarixi faktlara və beynəlxalq hüquqa uyğun gəlməyən bəyanatların etibarlı olmadığını vurğulayıb. “Təəssüf doğuran bəyanatı rədd edir və tarixi yanlışlıqda israr edənləri qınayırıq”, – deyə nazirlikdən bildirilib.
Bazı batılı liderler son günlerde “soykırımın” ancak mahkeme kararıyla tespit edilebileceğini savunuyor. Doğru!
— Mevlüt Çavuşoğlu (@MevlutCavusoglu) April 24, 2022
Aynı kişilerin, yetkili bir mahkeme kararı olmadan #1915 olayları için “soykırım” kelimesini siyasi saiklerle kullanmaları ise iki yüzlülüklerinin en bariz örneğidir. pic.twitter.com/3uQ2AVTeMJ
