Azərbaycan Respublikasının Minatəmizləmə Agentliyi (ANAMA) işğaldan azad edilmiş ərazilərdə yerinə yetirilən əməliyyatlarla bağlı həftəlik məlumatı təqdim edib.
YALAN.info Onlayn Xəbərlər və İnformasiya Saytı bildirir ki, ANAMA-dan verilən məlumata görə, aprelin 1-dən 30-dək Tərtər, Ağdam, Füzuli, Şuşa, Qubadlı, Cəbrayıl və Zəngilanda aparılan əməliyyat-axtarış tədbirləri zamanı piyada əleyhinə 364, tank əleyhinə 148 mina və 1 098 partlamamış hərbi sursat aşkarlanaraq zərərsizləşdirilib.
Nəticədə 2 847 807 kvadratmetr (285 hektar) ərazi mina və partlamamış hərbi sursatlardan təmizlənib.
Məlumata görə, ötən il noyabrın 10-dan bu il aprelin 30-dək piyada əleyhinə 7 086, tank əleyhinə 3 574 mina və 7 943 partlamamış hərbi sursat aşkarlanaraq zərərsizləşdirilib.
Toplam 20 280 727 kvadratmetr (2 028 hektar) ərazi mina və partlamamış hərbi sursatlardan təmizlənib.
