Müdafiə nazirinin təsdiq etdiyi 2022-ci il üçün döyüş hazırlığı planına uyğun olaraq, Azərbaycan Ordusunun xüsusi təyinatlı hərbi hissə və bölmələrinin taktiki-xüsusi təlimi keçirilir.
YALAN.info bildirir ki, bununla bağlı Azərbaycan Respublikası Müdafiə Nazirliyinin Mətbuat Xidməti məlumat yayıb.
Məlumata görə, təlimdə çətin keçidli dağ və qayalıq ərazilərdə xüsusi təyinatlılar ərazi kəşfi, dağ hazırlığı və müxtəlif yerdəyişmələr üzrə fəaliyyətlər yerinə yetirirlər.
Taktiki-xüsusi təlimlərin keçirilməsində əsas məqsəd xüsusi təyinatlı hərbi hissə və bölmələrin döyüş qabiliyyətinin daha da yüksəldilməsidir.
