Norveçin paytaxtı Osloda keçirilən yunan-Roma güləşi üzrə Dünya Çempionatı başa çatıb.

YALAN.info Onlayn Xəbərlər və İnformasiya Saytı bildirir ki, mundialın son dörd günündə yunan-Roma güləşi üzrə mübarizə baş tutub.

Millimiz baş məşqçi Aleksandr Tarakanov, böyük məşqçi Rövşən Bayramov və məşqçi Həsən Əliyevin başçılığı ilə uğurlu çıxış edib.

Belə ki, yığmamız bir qızıl, bir gümüş və iki bürünc medalla 107 xal toplayıb və komanda hesabında dünya üçüncüsü olub. Rusiya (152) birinci, İran (146) isə ikinci yeri tutb.

Beləliklə, komandamız altı illik fasilədən sonra dünya çempionatında ilk üçlükdə qərarlaşıb. Bundan başqa, Azərbaycan yunan-Roma güləşi tarixində ilk dəfə dünya çempionatında dörd medal qazanıb ki, bu da rekord nəticədir.

Qeyd edək ki, Osloda Rafiq Hüseynov (82 kq) qızıl, Sənan Süleymanov (77 kq) gümüş, Eldəniz Əzizli (55 kq) və Murad Məmmədov (60 kq) isə bürünc medal qazanıb.

BİR CAVAB YAZ

Buyurun, açıqlamanızı yazın!
Buyurun, adınızı bura yazın