2021-ci ilin döyüş hazırlığı planına uyğun olaraq Azərbaycan Ordusunun Quru Qoşunlarının Əməliyyat (Komando) hərbi hissəsində döyüş atışlı taktiki təlim keçirilib.
YALAN.info Onlayn Xəbərlər və İnformasiya Saytı bildirir ki, bununla bağlı Azərbaycan Respublikası Müdafiə Nazirliyinin Mətbuat xidməti məlumat yayıb.
Komando hərbi hissəsinin şəxsi heyəti “Həyəcan” siqnalı ilə daimi dislokasiya məntəqəsindən çıxaraq toplaşma rayonuna hərəkət edib.
Təlimin senarisinə uyğun olaraq verilən müdaxiləyə uyğun olaraq hərəkətdən birbaşa döyüş düzülüşünə keçən heyət atəş mövqelərini tutaraq atıcı silahlardan və qumbaraatanlardan atışlar yerinə yetirib.
Təlimin əsas məqsədi şəxsi heyətin atıcı silahlardan istifadəetmə bacarıqlarının və Əməliyyat (Komando) bölmələrinin döyüş bacarığının daha da yüksəldilməsi, eləcə də komandir heyətinin bölmələri idarəetmə bacarıqlarının təkmilləşdirilməsidir.
Verilən məlumata görə, təlimdə qarşıya qoyulan bütün tapşırıqlar uğurla yerinə yetirilib.
