Avstraliya hökuməti Rusiya Federasiyası Dövlət Dumasının 75 deputatını, həmçinin qondarma “Donetsk Xalq Respublikası” (DXR) və “Luqansk Xalq Respublikası”nın (LXR) bir neçə “nazir”ini sanksiyalar siyahısına salıb.
YALAN.info bildirir ki, bununla bağlı Avstraliyanın Xarici İşlər və Ticarət Nazirliyinin saytında qeyd edilib.
Siyahıda “DXR”dən 20-dən çox, “LXR”dən 15 “nazir” yer alıb. Siyahıda olanlar arasında rusiyalı jurnalist, teleaparıcı Vladimir Solovyov, Dövlət Dumasının vitse-spikeri Aleksandr Jukov, deputatlar İrina Yarovaya, Yelena Yampolskaya, Vladislav Tretyak, Dmitri Pevtsov, Anna Kuznetsova və başqaları var.
İndi Avstraliya Rusiya və Belarusun toplam 800-dən çox vətəndaşına, o cümlədən hər iki ölkənin prezidentlərinə və nazirlərinə qarşı və RF-in 47 ən böyük müəssisə və təşkilatına sanksiya tətbiq edib.
